Լորկե

Նախագծի պատմությունը

Այս նախագծի շրջանակներում մենք իրականացրել ենք հարսանյաց սրահի ամբողջ լուսավորության նախագծում և իրագործում՝ հիմնված դիզայն նախագծի վրա՝ ապահովելով ինչպես էսթետիկ, այնպես էլ տեխնոլոգիական բարձր մակարդակ։

Սրահում կիրառվել են մեծ քանակությամբ addressable LED համակարգեր, որտեղ յուրաքանչյուր LED ունի իր յուրահատուկ հասցեն։ Սա թույլ է տալիս իրականացնել անհատական կառավարում, ստեղծել բարդ լուսային էֆեկտներ և ապահովել հարուստ ու կենդանի գունային անցումներ՝ համապատասխան յուրաքանչյուր միջոցառման մթնոլորտին։

Լուսավորության ամբողջ համակարգը միացված է կենտրոնացված կառավարման վահանակին, որը վերահսկում է բոլոր LED խմբերը՝ ապահովելով հստակ հասցեավորում և սինխրոն աշխատանք։ Բացի այդ, իրականացվել է հիմնական լուսավորության պայծառության կարգավորում (dimming՝ 0-10V և DALI), ինչը թույլ է տալիս ճկուն կերպով վերահսկել ընդհանուր լուսային ինտենսիվությունը։

Համակարգը ինտեգրվել է պրոֆեսիոնալ լույսի կառավարման վահանակին ArtNet պրոտոկոլի միջոցով, ինչի շնորհիվ հնարավոր է ստեղծել բարդ, դինամիկ և շոու մակարդակի լուսային սցենարներ։

Արդյունքում ձևավորվել է հարմարավետ և տպավորիչ միջավայր, որտեղ տարբեր լուսային սցենարներ ավտոմատ կերպով ապահովում են իդեալական մթնոլորտ՝ թե՛ հարսանյաց, թե՛ ռեստորանային միջոցառումների համար։

Միաժամանակ, համակարգը զգալիորեն պարզեցնում է սպասարկումը․ այն աշխատում է ավտոմատ, նվազեցնում է մարդկային միջամտությունը և բարձրացնում է ընդհանուր արդյունավետությունը։